Verkezingskal: Wie steit Roerdale d'rveur?

... óm d'n ieër hoeag te haje.

Wie veer al ieëre meldje op dees site, steit d'r geinen eine kandidaat oet Mofert oppe kandidatelieste veur de Provinciale Staoteverkezinge. Veur `t watersjap vinje veer neet mieë es eine kandidaat oet oos dörp. Mer wie zitj det mit de res vanne gemèndje. Veer höbbe veur uch zitte tèlle.

Provinciale Staote

Oppe kandidatelieste veur Provinciale Staote vinje veer tieën inwoners van Roerdale. Henk van der Linden oet Berg (LOKAAL-LIMBURG) is `ne bekindje naam ómdet hae inne gemèndjeraod van Roerdale zitj veur de pertie Ons Roerdalen. Hae is op dit moment ouch al Staotelid. `nen Angere kandidaat waat ouch noe al inne Staote zitj is Herman Nijskens (VVD) oet Mieëlik. Hae zoot toet de gemèndjeraodsverkezinge van veurig jaor ouch in oze gemèndjeraod. Herman is de hoogsgeplaatste Roerdalenieër, namelik op nómmer 2, gevolg door Henk van der Linden op `n zèsdje plaats.

Binne Roerdale levert Mieëlik dan ouch de meiste kandadate veur dees verkezinge; det zeen d'rs drie. Postert, Berg en Vloearep levere d'rs allemaol twieë en Hèrkebós eine kandidaat. De lies wo de meiste kandidate oet Roerdale op staon is dae vanne BBB. Maar leefs 3 kandidate kómme oet oos gemèndje. Gemiddeld steit de doorsnee kandidaat oet Roerdale op `n 14e plaats in zienen eige keeskrink.

(De nómmers waat veer hie-ónger aangaeve gelje veur de keeskrink Vènlo, wo Mofert ónger vèlt. Veur de keeskrink Mestreech kan de plaats oppe lies aafwieke.)

CDA

• Nómmer 17: Jeroen Roubroeks (Vloearep)

• Nómmer 2: Herman Nijskens (Mieëlik)

• Nómmer 18: Liesbeth van Soest (Mieëlik)

• Nómmer 21: Ronny Hameleers (Berg)

• Nómmer 6: Henk van der Linden (Berg)

• Nómmer 19: Wim Tegels (Vloearep)

• Nómmer 10: Iloy Goossen (Mieëlik)
• Nómmer 20: Dennis Beltjens (Postert)
• Nómmer 23: Rob Crompvoets (Hèrkebós)

• Nómmer 7: Peter Hintzen (Postert)

Watersjap

Roerdale steit d'r good op in de kandidatelieste veur `t Watersjap: èlf inwoners van Roerdale zeen kandidaat. Allebei de kandidate veur LOKAAL-LIMBURG, te weite Marjo Thevissen oet Hèrkebós en Henk van der Linden oet Mieëlik kènne veer al es gemèndjeraodslid vanne pertie Ons Roerdalen, net zoeawie veer Herman Nijskens oet Mieëlik (VVD) nag kènne es aad-raodslid veur de VVD. Nag `n zittend raodslid waat veer oppe lieste taengekómme is Léon Wolters oet Vloearep. Haet zitj veur `t CDA inne raod. Veur `t Watersjap steit d'r oppe lies ''Waterbelang Midden-Limburg''. Zoeawie veer uch al ieëre höbbe oetgelag (en wo Arjen Lubach dees waek ouch achter waas gekómme; Mofert.nl is altied väöl flotter es de mainstream media): Waterbelang Limburg is `n saort van CDA in `t zoer.

Veur `t Watersjap is Vloearep de belangriekste leverancier veur kandidate oet Roerdale. Mer leefs vief kandidate oet Vloearep doon mit. Mieëlik en Hèrkebós levere eder twieë kandidate en Mofert en Berg levere d'rs eder eine.

De hoogsgeplaatste kandidaat van Roerale is Math Goossen oet Mieëlik. Hae is liestrèkker veur de BBB. Daomit is hae d'n insigste liestrèkker oet Roerdale veur de kómmende verkezinge. Oppe lies van Waterbelang Midden-Limburg staon de meiste Roerdalenieëre, namelik drie. Ouch veur `t Watersjap steit de doorsnee kandidaat oet Roerdale op `n 14e plaats.

Waterbelang Midden-Limburg

• Nómmer 4: Dorien van Meel (Hèrkebós)
• Nómmer 8: Jeroen Roubroeks (Vloearep)
• Nómmer 13: Léon Wolters (Vloearep)

• Nómmer 24: Herman Nijskens (Mieëlik)

• Nómmer 16: Thijs Belgers (Vloearep)

• Nómmer 12: Marjo Thevissen (Hèrkebós)
• Nómmer 27: Henk van der Linden (Berg)

• Nómmer 9: John Akkerman (Vloearep)
• Nómmer 19: Wim Tegels (Vloearep)

• Nómmer 1: Math Goossen (Mieëlik)
• Nómmer 25: Edje vanne Veurhaof (Mofert)