Ech-Zöstere pas energievisie aan nao aanleiding van `t vanoet Roerdale euvergeslage gezeik

Waat zaes se? Of se salami lös?

Wèthajer Hub Meuwissen (duurzaamheid, PNES) vanne gemèndje Ech-Zöstere sjitterde dan waal van aafwezigheid tiedes de inspraokinformatie-aovendje euver `t in dae gemèndje te realisere windjmeulepark; hae haet toch neet stilgezaete de aafgeloupe maondj. Nao aanleiding van `t gezeik det inne gemèndje Roerdale is gewaes euver `n windjmeulepark op Ieësele, haet `t college beslaoten óm de Energievisie Echt-Susteren aan te völle mit `ne paragraaf. In dae Hubke-Mieëwese-salami-paragraaf wuuertj nag `ns dudelik gemaak det ieës alle óngerzeuke waere aafgerundj en det dan pas dore raod wuuertj beslaote of det windjmeuleparkt d'r überhaupt waal mot kómme. De gemèndje Ech-Zöstere wiltj hiemit de in Roerdale zoea gevreesde salamitactiek vaslègke in häör beleid.

De energievisie steit es bespraekstök geagendeerd inne raodsvergadering van Ech-Zöstere kómmendje goonsdig. De raod besluutj dan ouch euver de vasstèlling van dae door `t college veurgestèlde energievisie. Veer zeen benuujd of d'r nag amendemente waere ingedeend op dit punt.

Nag effe euver wie de Lieve Stad van Hoop óm geit mit burgerparticipatie: