D'n oetslaegaovendj gemèndjeraodsverkezinge 2026

Live updates toet mit zetelverdeiling à la minute.

D'n oetslaegaovendj kóntj geer oppen tillevies volgen op oze localen ómroop OR6 op Ziggo kanaal 41, of KPN en XS4ALL op kanaal 1507 of via OR6.nl. Mer de flotste updates krieg geer hie op Mofert.nl. Nao de lèsten oetslaeg hoof geer gein half oer oppe zetelverdeiling te wachte wie det bie OR6 ging in 2022; op Mofert.nl krieg geer de zetelverdeiling à la minute.

Update 21:00: Deepdje-interview mit Willem vanne Koets: hae verwach det hae dit kieër neet de meiste stömme van alle kandidate krieg, wie in 2022. Tja, dae liestrèkkersbonus mis se dan toch, hè.

Update 21:04: Óm 20:45 oere: 50,5% opkóms.

Update 21:23: Deepdje-interview mit Frans vanne Biemel. Hae geit d'rvan oet det hae dit kieër veur de lèste kieër mitduit ane verkezinge.

Update 21:50: Baer vanne Zuul en presentator Jan Ramakers kieke same nao `n filmke vanne spannende verkezingsoeslaag vanne gemèndjeraodsverkezinge van 1990, wobie de twieë grotste pertieje (Burgerbelangen en Lies Nisse) persies aeveväöl stömme krege.

Update 22:10: Nao drie stömbureaus getèldj (Roerparel I, Dörpshoes Mofert en De Beuk) steit Roerstreek Lokaal! veur mit 6 zetels; CDA mit 5 zetels twieëdje; nuujkómmer Vitaal Perspectief eine zetel. Opvallendj is det Roerstreek Lokaal! in `t Dörpshoes de derde pertie is, achter Democraten Roerdalen en `t CDA.

Update 22:24: Nao oetslaag De Berensprong (Hèrkebós) geit ein reszetelke van `t CDA nao Democraten Roerdalen.

Update 22:32: Mitten oetslaag van 6 vanne 11 stömbureaus binne staon CDA en Democraten Roerdalen noe weel allebei op 4; Roerstreek Lokaal! stabiel op 6 zetels.

Update 23:00: OR6 kan nieks; zitte get aan te kloeaje mit `nen tössestandj zónger det alle daobie getèldje oetslaeg van sommige stömbureaus al bekindj wore gemaak. Effae, decision desk Mofert.nl callt Roerstreek Lokaal! es winnieër.

Update 23:15: Roerstreek Lokaal! wint verkezinge mit 28,4% vanne stömme. Behaje 6 zetels.