BRAEK: Roerstreek Lokaal! wint verkezinge 2026

RL! 6 zetels, Democraten Roerdalen 5 zetels, CDA 4 zetels.

Roerstreek Lokaal! haet de gemèndjeraodsverkezinge van 2026 gewonne. Zie behaoldje 28,4% vanne stömme; twieëdje is Democraten Roerdalen mit 24,7%; CDA steit op `n derde plaats mit 18,8%.

Prognose zetelverdeiling

RL! steit haolt 6 zetels, waat ze noe ouch al höbbe inne raod. Democraten Roerdalen greujt van 4 nao 5 zetels. Ouch `t CDA blief stabiel op 4 zetels staon. Ons Roerdalen en GroenLinks-PvdA verleze allebei `ne zetel nao respectievelik eine en twieë zetels.

Nuujkómmer

Nuuj pertie Vitaal Perspectief, waat `n aafsplitsing is van Democraten Roerdalen, kump innen gemèndjeraod mit eine zetel.

Ónzekerheid

De lèste reszetel ging nao `t CDA; Ons Roerdalen lèk aevel oppe loer veur nag `ne reszetel binne te haole. Mos Ons Roerdalen 80 zetels mieë höbbe behaoldj, dan zou dae reszetel neet nao `t CDA mer nao Ons Roerdale gaon. CDA zou dan op 3 zetels oetkómme en Ons Roedale zou de twieë zetels waat ze noe höbbe, behaje. Volgende waek donderdig (26 mieërt) nao de aopenbare zitting van `t Centraal Stömbureau óm 11 oere zal d'n oetslaag definitief waere vasgestèldj.