BRAEK: De kogel is dore kirk. Tiejelike weuninge kómme ane Sportlaan

Is `t dan noe vaerdig mit det gezeik?

De tiejelike weuninge kómme in Mofert oppen hook Sportlaan-Boordmoolwaeg. Daet haet `t kolleesj veurige waek beslaote. Vandaag kwome bórgemeister en wèthajers mit `ne breef aan de ómweunende óm det besloet toe te lichte. `t Kolleesj haw al ieëre aangegaeve det de locatie Sportlaan de veurkeurslocatie waas. B&W zaetj de reacties vanne bie-einkóms van 7 september te höbbe mitgewaoge in `t besloet, mer die gove gein aanleiding óm veur `n anger locatie te keze.

Noe motte d'r ieës nag get technisch en milieuóngerzeuk waere gedaon en daonao kan Wonen Limburg de vergunning aanvraoge.