Patere: Oze Max alwéér werreldkampioen
... in `n barbaars, homofoob, Islamitisch kutlandj.
Even los van alle vigerende gevechten, vind ik het persoonlijk ook nog eens heel jammer dat Max Verstappen vanavond wereldkampioen wordt in een slavenstaat van islamitische sheiks, op een kamelenracebaan in een dooie woestijn, tijdens een gekunsteld fop-onderdeel van de F1. Zo.
— Bart (@BartNijman) October 7, 2023
Oze Max haet weer `ne werreldtitel oppe tes. Hae haoldje gister tiedes de sprintrace in Qatar genóg puntje óm zeker te zeen van `t kampioensjap. In detzelfde landj woont in pure luxe (betaald van ''oos'' geldj, bedoeld veur `t Palestijnse volk) Hamas-leider Ismail Haniya. Geer weit waal: Hamas is det clubke waat gister en vandaag nagal in `t nuuts waas. `t Regime van Qatar maaktj goje sier door `t organisere van `ne Formule Ein Grand Prix, mer haet d'r totaal gein meujte mit óngerdaak te gaeve aan deze terroristeleider.
#Hamas leader Ismail Haniyeh calls for more violence from his posh villa in #Qatar
— Zechariah Shar'abi | זכריה | زكريا (@ZechariahSharab) October 8, 2023
He is a billionaire living a life of luxury while making profits off aid money originally intended to feed the poor in #Gaza#Israel_under_attackpic.twitter.com/lkpqBHtgwo
Op dezelfdjen daag dus, es det Max obbernuuts kampioen waerdje, reep in detzelfdje landj Haniyeh op toet nag mieër geweldj taengen `t Israëlische volk. (Lèt op: de volgende linkskes bevakke sjokkendje beeldje.) Bliekbaar waas `t nanneet barbaars genóg det kleuters, jónk volwassene en bejaarde in gijzeling mit te naeme nao de Gazastrook. `t Waas bliekbaar nag ummer neet luguber genóg óm `t laevenloeas lief van dees Pruse festivalgengster wie `n saort van jach-troffee inne bak van `ne pick-up te laje en door Gaza róndj te gaon vare. Waarsjienlik waas dit maedje op det moment vermaord. D'r zeen ouch berichte van verkrachtinge, mer die zeen op dit moment (nag) lestig hel te maken, ómdet die baerd det saort däöj neet deile oppe socials. Mesjiens zeen ze sjoew det Allah mitkiektj op X en det det zelfs Hem te wied geit. (Sorry veur de misselikmaakendje beelje. Ich höb uch gewaarsjuwd en `t is waal de naakse realiteit waat dao op dit moment speelt.)
Fèng, Max is dus werreldkampioen gewaore in `t landj waat óngerdaak guuef aan degene waat verantjwaordelik is veur dit barbaars geweldj. En det is nanneet alles. Qatars MinBuZa verklaordje gister in `n reactie det Israël `t allemaol zelf sjout is. Det waas waal te verwachte van `n landj waat vriendjes is mit Iran. Qatar is dus dudelik `n landj wo se es westerling nieks te zeuken höbs, onneet óm rundjes te vare.
Mer Formula One Group haet dao, zoeawie veer weite, allemaol gein meujte mit. Zie make gebroek van `tzelfde moreel kómpas es de FIFA. Grand Prix waeren allein mer gecancelled oet opporunisme. Beveurbeeldj wie Ruslandj de Oekraïne binne veel; doe waerdje - gehieël terech trouwens - Sotsji rücksichtslos vanne kalender gesjrap. Mer es de Armeense enclave Nagorno-Karabach door `t Azerbeidzjaanse leger etnisch wuuertj gezuverd, is de reactie van Formule One Management: dit. Inne veurluipige Formule Ein-agenda van 2024 steit Baku prinsheerlik op `t lieske.
Reactie van Formula One Management op situatie Nagorno-Karabach.
Nou, desnaovendj dus de echte Grand Prix van Qatar. Ich weit neet waat geer gaontj doon, mer ich gaon - dink ich - ajerwits lineaire tillevies kieke. Red Bull Stalen Ros 2023, beveurbeeldj.