Monique Heijnens-Coenjaerts nuje griffier gemèndje Roerdale

Sjeiend griffier Notermans mit vreugpensioen.

Monique Heijnens-Conjaerts (bron: LinkedIn)

Per 1 januari 2024 haet de gemèndje Roerdale `ne nuje griffier. De gemèndjeraod haet de veurdrach gister tiedes de raodsvergadering goodgekeurd mit 17 veurstömme veur en 2 blanco. Monique Heijnens-Coenjaerts zal vanaaf begin volgend jaor de griffel van Rob Notermans euvernaeme. Veur de euverdrach is Coenjaerts vanaaf 1 december dit jaor al plaatsvervangend griffier. Per 1 januari geit de hujige griffier Rob Notermans mit vervreug pensioen.

Carrière

Heijnens-Coenjaerts is noe Manager Advies & Ondersteuning bie de gemèndje Gemert-Bakel. Van 2004 toet 2007 waas zie ouch al griffier vanne gemèndje Maasbree. Innen tössentied haet zie versjillende ambtelike functies vervöldj bie de gemèndjes Maasbree en Leudal (kómplieët CV op häör LinedIn-profiel).

17 sollicitaties

D'r wore 17 sollicitante, wovan d'rs 5 zeen genuuedj veur `n ieëste gesprek. Inne twieëdje gespreksrunj wore d'r nag mer twieë kandidate euver. De selectiecommissie - bestäöndje oet de fractieveurzitters, de bórgemeister en de HRM-adviseur - haet oeteindelik Monique Heijnens-Coenjaerts veurgedrage.