Wèthajer Slangen tevreje euver bewonersbie-einkóms tiejelike weuninge

En bórgemeister sloop Van der Linden.

Tiedes `t vraogehalfuurke veuraafgäöndj ane gemèndjeraodsvergadering van desnaovendj haw raodslid Henk van der Linden (Ons Roerdalen) `n aantal vraoge euver dae Poolse landjdaag van begin deze maondj. Hae plaatsdje ónger angere vraogteikes bie de aanwezigheid vanne pliesie en euver de in zien uig kille en botte wijze van presenteren en reageren naar de aanwezige mensen. Hae vroog ouch of `t kolleesj tevreje waas euvere opzèt en `t verloup vannen aovendj.

In `n antjwaord oppe vraoge van Van der Linden goof wèthajer Slangen aan det `t kolleesj tevreje waas euver d'n oetkóms van dae bewonersbie-einkóms. Volges hem wore de reacties en de oetkómste vannen aovendj in euvereinstömming mit waat ieëre waerdje beargumenteerd. Tösse de regels door laeze veer det d'r geinen inkele raejen is óm aaf te wieke vanne veurkeurslocatie (Sportlaan) en dus liektj `n definitief besloet van `t kolleesj neet mieë es `n formaliteit te zeen. Slangen herkèndje zich neet in de bewäörding kil en bot.

Bórgemeister De Boer-Beerta - verantjwaordelik de pliesie - verklaordje det de wiekagente zichbaar en aanspraekbaar motte zeen veur de inwoners. Zie haet de wiekagende persuuenlik gevraog óm dao te zeen. De bórgemeister wasdje in häör betoog Henk van der Linden efkes behuuerlik de oeare euver wie hae de pliesie framedje.

Zaetj zie dao noe Montfoort?