Koeltoerkatern: Nuje hit van Zenger Rotsjo nag geine hit

Vergaete te plugge

Jao, geer laestj `t good: `t sjuutj nanneet erg op mit de views van de lèste relaese van Zenger Rotsjo. De videoclip steit al `n waek op YouTube, mer dae video is noe pas `n 170 keer bekeke. Det zeen dus zoea ongevieër 24,285714 views per daag. Det is neet ech zoeawie veer `t van deze gebäörtig Moferter rasarties zeen gewèndj. `t geit hie waal óm `nen arties waat op `t houfpodium van kefee De Knoterpot haet gestange, dus dan höbs se dien spaore waal verdeend, tunk ós. Normaal geit zónne nuje single van Rotsjo wie `n rekèt nao d'n ieëste plaats inne Moferter charts. Waat ging d'r mis?

Plugge is `t touverwaord

`t Management van Zenger Rotsjo haet `t naogelaoten óm dit nuje plaetje te plugge bie dé nuuts- en opiniesite van Mofert en ómgaeving: Mofert.nl. Mer ómdet veer de beroerdste neet zeen gaeve veer bie deze `ne boost aan zien carrière. Op nao de 200!

L1 Pride Waek

Rotsjo haet dit kieër de meziek gebroek van "Shut Up (and Sleep with Me)" oet 1995 van de Pruus 'Sin With Sebastian'. Det waas dus emes wo `t waord "GAY" in neonlètters baove stóng mit flikkerlempkes d'rómhaer. Óndudelik is of de release van "Sjut in" verbandj hèltj mit de "L1 Pride Week" waat de aafgeloupe waek ane gang waas.

Negetieënviefennegetig. Sjoeanen tied waas det. Doe kós se nag gewuuen euver zoea-emes zègke det hae `ne verwiefdje is. Of androgyn, óm `t get deftiger oet te drökke. En eigelik haw nemes ech `n principieel bezwaor daotaenge. Doe haws se nag gein gejenk euver veurnaamwäörd. `ne Lètterbak waas nag get óm kleine beeldjes in te zètte. Van non-binair haw me nag noeats gehuuerd. Gewuuen `ne verwiefdje. Gewuuen.