Kómkómmertied: Waat kries se-n es se roead en greun bie-ein duis.

`n Vieze stróntjkluuer.

Klaver en Kuiken in `ne winning mood.

De politieke pertieje PvdA en GroenLinks gaon in november mit `ne gezamelike lies en program mitdoon ane Twieëdje Kamerverkezinge. Geine fusie dus, mer `n saort prooftied. Wie motte veer dit zeen? `ne Match made in heaven of in hell. Ich mot geliek dinken aan `t traditioneel sociaaldemocratisch electoraat: daen ''''arbeider'''' van vreuger of dae gepensioneerde boomer van noe. Zitte die te wachte op woke? Zitte die te wachte op klimaathysterie? Zitte die te wachte op opgedrónge diversiteit? Ich vraog `t mich aaf. Noe dink ich waal det de PvdA al väöl arbeiders verlaore is aan ónger angere Wilders. Mer wie zitj det mit dae gemaotigde socialis. Zuutj dae `t nag zitte óm op Verenigd Links te gaon stömme? Mesjiens waal mit `ne klassieke PvdA'er aan `t roer. Mer is Tömmermans de juuste persoen óm det deil van `t electoraat binne te haole (of te haje)? Dao-euver mieër in `ne volgende aaflevering van Kómkómmertied.

Heineken vs. havermilkcappuccino

Neet ederein oet PvdA-hook is gecharmeerd van `n fusie. Aad-PvdA-topadviseur Simon den Haak vindj `t mer nieks. Hae vruueg zich publiekelik aaf of de PvdA- en GroenLinks-kezers waal bie-ein passe. Het is als Heineken versus havermelkcappuccino. Mensen met een tweedehands autootje tegenover mensen met een Tesla.

Einen angere fusie-criticus is aad-PvdA-veurzitter en truidrager des vaderlands Hans Spekman. Nao de Provinciale Staoteverkezinge concludeerde hae al det `t experimènt mislök waas. Zoeawaal PvdA es GroenLinks höbbe in die verkezinge verlaore. Veurige waek verdedigde Spekman zien standjpunt nans op NPO Radio 1, wo-oet bleek det hae ouch geine groeate fan is vanne Groeate Klimaatpaus oet Brussel.

Spekman bie WNL Op Zondag euver de faalfusie.

Spekman bie Sven op 1 euver de gezamelike lies en potentiële liestrèkkers.

Mer de kritiek op die fusie kump neet allein vanoet de PvdA-hook. Ouch veuraanstäöndje GroenLinksers wie Huub Bellemakers en Femke Roosma meine det `n fusie allein mer averechs wèrk. Häöre kritiek op `n fusie haet óngevieër dezelfde stèkking es de analse van Den Haak: `t zeen twieë versjillende pertieje mit versjillende ideale. Door `n gezamelik program zólle die ideale allein mer nag mieë vervage.

Gewiekste manipulatie

Veurstendjers van die fusie, zoeawaal vanoet PvdA- es oet GroenLinks-hook höbben `t recente lejereferendum gemanipuleerd. Begin dit jaor maakdje `n aantal prominente veurstenjers bekindj lid te waere van eins pertieje. Prominente PvdA'ers gove dus `t ''''goje'''' veurbeeld door ouch lid te waere van GroenLinks en vice versa. Zie repe daobie ouch anger lejen op óm `tzelfde te doon. Waat kries se dan? Dan kries se dus dat allebei de pertieje `nen houp nuuj leje d'rbie kriege waat op veurhandj al veur de fusie zeen. Det zorg wie dan ouch veur mieë veurstömmers. Oké, ich höb de statute van die twieë pertieje d'r neet op naogeplaoze: d'r zal bès waal `ne regel zeen des se-n `ne bepaoldjen tied lid mos zeen veurdet se-n aan `n lejereferendum mit moogs doon. Mer bie `n toekomstig referendum euver `n definitieve fusie zal daen termien zeker verstreke zeen, dus det referendum is sowieso gemanipuleerd.

RoodGroen

D'r wuuertj drök gespeculeerd euver de naam wo-ónger de combinatie PvdA-GroenLinks zich geit aanmelje bie de Keesraod. Verenigd Links, PvdA-GroenLinks, GroenLinks/PvdA. Mer de meis hilarische naam is toch waal RoodGroen. Dae is ech té grappig. RoodGroen is `t clubke van PvdA- en GroenLinks-leje waat zich sins april veurig jaor hel make veur `n fusie tösse die pertieje. Mer RoodGroen is ouch... de naam vanne fictieve politieke pertie oet Vox Populi, `n film van VrijLinks-oprichter Eddy Terstall. RoodGroen is in dees film `n elitaire politiek correcte pertie van linkse signatuur. Kamerlid van die club, Mira Ornstein, waerdje vertolk door (ouch alweer) VrijLinks-veurzitter Femke Lakerveld. Sins dit jaor is zie opnuuj inne hoed van häör alter ego gekraope en waal op X Twitter. `t Parodie-account van Ornstein haet inmiddels 12,5k volgers. Mit häör tweets stik zie noe constant de draak mit de bekrómpe dinkbeelde van `t elitaire woke-links.

ROFLOL: De slogan van RoodGroen in de film Vox Polpuli is Samen Doen. Wo kènne veer det ouch alwaar van?

Trailer vanne film Vox Populi

Mira Ornstein op zeuk nao de gewuuene miens

Ook buiten verkiezingstijd kwam ik al in de provincie om de kloof met de gewone mensen te overbruggen. De afgelopen tijd hebben jullie me overtuigd om door te gaan. Samen bepalen we de nieuwe koers van Nederland! #roodgroen #samendoen pic.twitter.com/fH8kVTk8Kh

— Mira Ornstein (@miraroodgroen) July 23, 2023

Diederik haet onnag `n paar suggesties

Mogelijke namen voor de fusie tussen PvdA en GroenLinks: RoodGroen, Verenigd Links, Samen gRood, Partij van de Aardbei, GroenFrans, Forum voor Ecologie, Glarbeid, de Sociaal-Ecocraten, Klaver & de Attjes, Linkse Soep, There's Something About Aleb, Lijst Omtzigt, Roos&Möller.

— Diederik Smit (@DiederikSmit) July 18, 2023

Terstall witj `t onnanneet

Erg mee eens. PvdA moet ernaar blijven streven een volkspsrtij te zijn, ook en vooral voor de netwerklozen. Ik zal wel lid blijven bij gedeeelde lijst, want kan tijdelijk zijn. Alleen misschien dat ik op een andere linkse partij zal stemmen. https://t.co/3Oi9ebgjLM

— Eddy Terstall (@eddy_terstall) July 17, 2023