Vanaaf volgede waek weer: Kómkómmertied

De zomercolumn van Mofert.nl

De voltallige redactie van Mofert.nl haet `n waek reces. Mer gelökkig zeen d'r gein spannende dinger in Mofert te verwachte vanoet de gemèndje, want zie zeen ouch mit vakantie reces. In taengestèlling toet de redactie doon die d'r waal 6 waeke euver óm bie te kómme. Mer good, `t bleive ambtenieëre, wor. Dit jaor höbbe veer geine take-out-the-trash-day vlak veur de vakantie gadj euver geveulige óngerwerpe. De locatie in Mofert veur de tiejelike hoesvesting is nanneet bekindj. `t College haet wieselik beslaoten óm det besloet euver `t reces haer te höffe. De locatie Sportlaan waas dan waal de veurkeurslocatie, mer de gemèndje geit alle aangedrage locaties nans óngerzeuke. `t Definitieve rapport euver die vogelshredders op `t Wolfsplateau luuet onnag efkes op zich wachte en ouch `t besloet wie veer noe al dae ''''''greune'''''' energie bie-ein motte sprokkele zal waal nao de vakantie kómme.

Kómkómmertied dus in oos gemèndje. Det steit in sjril kóntras mit politiek Den Haag. Ederen daag is d'r waal eine politicus dae bekindj maak waat d'r geit doon: stoppe, liestrèkker waere, zich kandidaat stèlle óm liestrèkker te waere, bedinke of d'r waal of neet `n eige pertie geit optuge, num mer op. En dan höbbe veer `t nanneet gadj euver linkse wulkskes die bekindj make of ze same eine grottere linkse wolk wille waere. Zat voor dus óm stökskes euver te tikke en `n meining euver te höbbe.

Vanaaf volgende waek op donderigaovendj hie op Mofert.nl weer de ganse vakantie lank de zomercolumn Kómkómmertied van oze vaste columis Pater. Mis `m neet!