Limburgse VastelaovesleedjesKal: De plagiplaat-special
Is det refrein van Det zien de feite
neet stiekem van
Ummer d'r Naever?
Wie aljaors zeen d'r weer van die nuje vastelaovesleedjes oetgekómme wovan se dinks: det höb ich toch al `ns ieëre gehuuerdj. Doe wits waal: det d'r zón stökske meziek in zit waat - meistal onbedoeld - waal hieël väöl weg haet van bestäöndj leedje. Speciaal veur de volgers van Mofert.nl höb ich veur uch de meis spaekende geliekenisse op e rieke gezat.
Det zien de feite
Wie e duvelke oet e duueske behaoldje LVK-debutant Oét
Oët de maot `n brónze medaalje op `t LVK
mit `t leedje Det zien de feite
. Op zich is det `n erg knappe prestatie. Mer
det refrein van `t door Hay Geritz (bio)
gecomponeerd leedje waerdje door mieë miense es bekindj aangemèrk. En jao, `t
Haw inderdaad e bietje weg van Dat is `t einde
van
Johnny Hoes zaliger.
Mer Pater zou Pater neet zeen es d'r neet nag effe deep in
zien jeugherinneringe ging grave. Dao zoot wied verstaoken `n melodieke det nag
väöl mieë geliekenis haet mit `t succesvol vastelaovesleedje van deze Vènlose
formatie. De res van `t weekend haet deze jóng bestaejd aan `t oetpluze van `t audio-archief
vanne femielje Dircks. Oeteindelik kwoom dao `n bandjopname (wiki veur Millennials en
Gen-Z), örges oet de jaore `80, van de ROZ (wiki veur de
Millennials en Gen-Z) baove water. De Kirkraojse groep Ummer d'r Naever
vertolkte dao `n leedje wovan `t refrein spaekende geliekenis vertoeandj mit
det van Det zien de feite
. In verbandj mit auteursrech publiceer ich hie
allein `t refrein, ómdet `t dan ónger citaatrech vèltj.
Later is `t leedje door de band nans es reggae-versie opgenómme veur `t album
Nit jod? Jeld tseruk!
. Dae kóns se op spotify beloestere.
Es Adam gay waor gewaes
Guus Steinen (bio) sjreef veur Ivo van der Bijl `t leedje Es Adam
gay waor gewaes
. Edere miens waat e bietje de klassiekers kèntj, herkèndje dao
mieërdere kieëre e stökske oet `ne bekindje Pruse slager. Veur `ne
doorgewintjerde leedjessjriever wie Steinen kan dit neet próngelök zeen
gegange.
`t Kan allein mer de bedoeling zeen gewaes det dit `t
publiek ging opvalle. Dit mot waal `n verwiezing zeen nao de Nederlandse
homescene, wobinne Ich bin wie du
ein van de meis populaire leedjes is. Deze
klassieker van Marianne Rosenberg eindigde neet veur nieks aljaors inne top
vief vanne homo-100.
Mich neet belle!
Ich bön zelf gelökkig neet zoea bekindj mit `t ouvre van Monique Smit. Mer op det verrèkdese Twitter kwoom tiedes de finale `nen tweet veurbie dae prima pas in deze rubriek.
Marleen Rutten met unne cover op Monique Smit-Twijfelaar! Intro exact utzelfde #lvk2023
— Niels van den Brand (@NielsvdBMusic) February 3, 2023
D'r is inderdaad `ne geliekenis huuerbaar innen intro van `t
door David Peters (bio)
gecomponeerde Mich neet belle
van Marleen
Rutten en Twijfelaar
van Monique Smit. Nae, `t is neet `tzelfde, mer
zeker op `t moment det die penspiano onnag d'rbie kump, liek `t waal erg väöl
opein.
Oetsmieter
Es oetsmieter nag `n plagiplaatje van `n aantal jaore geleje
van de - inmiddels succesvolle - groep Hoondervel.
Bart Storcken componeerde doe `t leejde
Welteruste waereldj
veur dees mansluuj oet Hale. Op `t ènj van `t refrein kump
dao `n stökske meziek waat bekindj inne oeare klink. Loester mer:
De melodie van For he's a jolly good fellow
(waat ouch `ne
cover bliek te zeen) sjient al oet de vreuge achtieëndje ieëw te stamme, dus
euver auteursrech hove de men zich gein zörg te make.
Leuk óm te weite: in Welteruste Waereldj
sjreef tekssjriever Bas Keltjens al euver omgedreijde heimwee
. Mesjiens is toen al `t zäödje gepaot veur de teks van `t LVK-leedje van Hoondervel van dit jaor.
Höbs doe ouch `n plagiplaatje gehuuerdj in `n vastelaovesleedje van dit jaor, reageer dan inne Facebook-post.