Koeltoerkatern: Nuje plaetjes van Sjup & Sjoop en van Zenger Rotsjo
En nag de groetjes van Graatje, hè
Sjup & Sjoop
Gister kwome Sjup & Sjoop, de dance-act van CV Nooit Genog, mit eine nuje release veur `t loupendj vastelaovessezoen. Nooit Genog is al jaore vaste deilnaemer ane Groeaten Optoch in Mofert. De hoes-DJ's van dees carnavalsvereniging bringe mit einige regelmaot eige EDM-nómmers oet mit carnavaleske tekste. Dit kieëer zeen ze `n stök vanne Film Kwiet
. Tja, det kries se döks es se op zónne vastelaovesdaag de klok róndj zuups, wor. De tekssjrievers höbbe noe waal begrepe det in `n succesvol vastelaovesleedje altied get van lalalala
, nananana
of ohohohooo
mot zitte. Mit daen teks zou deze nómmer nag neet höbbe misstaon op `t LVK, al zal de hoofvakjury dao waarsjienlik anges euver höbbe gedach.
Zenger Rotsjo
De gebäörtig Moferter zenger Rotsjo is recent ouch weer mit `n nuuj leedje gekómme. Veur `t ieës haet deze singer-songwriter zich aan `n vastelaovesleedje gewaag. Oppe meziek van Rio
van Maywood maakdje Rotsjo ziene nuje hit Vasteloavindj
. `t Thema is veur edere vastelaovesvierder waal herkènbaar: des se mitte vastelaovendj döks van die luuj höbs waat dich normaal nanneet de gojendaag zègke, mer mitte vastelaovendj opèns meine det ze diene bèst vrundj zeen. Kiek de clip toet `t inj, want d'r zitj nag `ne spraekende imitatie van `ne bekindje vastelaovesarties in.