Ieëste genomineerde Mofert.nl persfoto van `t jaor 2023 noe al bekindj

Nimmenemaal, waat die badjes dao oet höbbe gevraete. Mer `t levert waal spectaculair materiaal op.

Ieëste nominatie ''Mofert.nl persfoto van `t jaor 2023'' (© De Limburger)

`t Filmke vanne Groeat Vuurbal des Doeads höbbe veer inmiddels allemaol waal gezeen. En d'r is ouch al genóg euver gespraoken en gesjreve. Mer de TeleLimburger bleek nag mieë footage achter de handj gehaje te höbbe. In `n artikel oppe site van De Limburger van aafgeloupe dinsdig publiceerdje ze `n foto vanoet 'nen angere hook (180 grade óm precies te zeen). Ónbegriepelik det dees foto neet `t gedrökdje exemplaar vanne gezèt haet gehaoldj.

Recensie

Compositie: good. Beleechting: prima. Sjerpte: maotig. En de timing: dae is subliem. Ouch es dees foto is gecaptured oet `n filmke, dan nag is de kwaliteit opmèrkelik good. Mer noe is de vraog: wie kump De Limburger aan dees foto? Zie claime zelf `t auteursrech. Mer waas d'r dan al `ne fotograaf van De Limburger ter plaatse op `t moment van de big bang? Of haet emes `ne flinke som geldj oetóngerhanjeld mit Mediahuis veur de rechte op dit materiaal euver te drage. Opmerkelik is ouch det op `t beruchte filmke geine fotograaf is te zeen. Zal d'r zich bie Baerke achter de raam höbbe verstaoke?