Zonnepanele neet allein op, mer ouch naeve de stort

Det sjeeltj weer `n paar windjmeules

Inne raodsvergadering van desnaovendj haet de gemèndjeraod van Roerdale beslaoten óm `n zonnepark aan te lègke tösse de stort en `t spaor/A73. D'r is al ieëre `n vergunning verlieëndj veur zonnepanele oppe stort. De oppositie (Ons Roerdalen en CDA) stömdje taenge. `t CDA haet zien bedinkinge bie de boewkoste en `t rendement waat `t oeteindelik geit oplevere. Ons Roerdalen vindj `t plan te mager en haet twiefels euver wie de exploitatie dore gemèndje zelf vorm geit kriege.

Realisatie in eige beheer

De gemèndje wiltj `t park zelf gaon realisere en exploitere mit `n nag op te richte BV, waat door `t college wuuertj bestuurd. Attero, d'n eigenieër vanne stort, geit zelf `t zonnepark oppe stort realisere.