Koeltoerkatern extra: La Bamba door nao halve finales LVK

Töp töp tö dö dö dö döp töp!

Desnaovendj waas op L1 de bekindjmaking vanne halve finaliste veur `t Limburgs Vastelaovesleedjes Konkoer. Daobie is bekindj gemaak det La Bamba mit häör leedje `t Geheim door is nao de halve finale. Ze zitte inne twieëdje halve finale op startnómmer 30.

Dae twieëdje halve finale wuurtj op L1 radio oetgezónje op vriedig 20 januari 2023 van 18:00 en 20:00 oere. Sangerdaags wuuertj det nans herhaald tösse 10:00 en 12:00 oere. Aansloetendj kan me `n half oer lank sms'e óm te stömme.

Twieë anger leedjes oete pen van Ron van Jo van Seef höbbe neet de halve finales gehaold. Zoea sjreef Ron zoeawaal de meziek es de teks van ''Vier blieve same!'' van 3xNiX. De hoofvakjury haet det leedje neet beloeand mit `n plaats inne halve finales.

Ouch ''Limburg aan de mach!'' van Kelly van de Lump is neet door. Ron van Jo van Seef componeerde hieveur de meziek en sjreef same mit Kelly Lumpes de teks.