De Badmötse door nao hale finale LVK

Nieks verlaore neet.

De vastelaovesband De Badmötse zeen door nao de halve finale van `t LVK 2026. Dit is d'n ieëse kieër det deze formatie, dae ónger anger wuurtj bezat door Lynyrd van Riet (Keub) en Geert Verheijden, mit duit aan de provinciale leedjeswedstried. Mit häör leedje ''Vastelaovesklantjeservice'' kómme ze oet veur Remunj.

De Badmötse zitten inne derde halve finale, dae op 9 januari wuurtj opgenómme bie De Bombardon in Heitse. Op vriedig 23 januari wuurtj dit deil vanne halve finale oetgezónje op L1 radio en televisie tösse 18:00 en 20:00 oere.

Mofert neet door

De Moferse inzending van Nieks Verlaore is helaas neet door de veurrunjes haer gekómme. Ouch zie deje dit jaor veur `t ieës `n goeaj nao de Bertha Paulissentroffee mit `t leedje ''`t Kan ouch noeatj `n kieër normaal''. Anger jaore deje ze-n `t op bestäöndje melodieë, mer veur `t LVK mos se toch ech mit `n nuuj wies aankómme. Dae waerdje gesjreve door Ronald Moonen, eigenieër van Studio Difference, de vaste opnamestudio van Nieks Verlaore. De teks kump wie aljaors oete pen van Sjors vanne Biemel.