Koeltoerkatern: nuje meziek van DWAYNE en van La Bamba

En `t geit weer allemaol euver zoepe...

Danse en Drinke

Dwayne vanne Miek haet, same mit zien band DWAYNE, gister `ne nuje nómmer oetgebrach same mit de keuningin van `t Limburgse leed Beppie Kraft. `t Leed is gesjreve oppe meziek van `t oeraad Mexikaans volksleed ''Cielito Lindo'', waat trouwens al tig miljoen kieër is gecoverd.

Veur deze versie haet Dwayne uiteraard `ne Limburgse (Mofers/Mestreechse) teks gesjreve mitten titel ''Danse en Drinke''. `t Geit euver danse en drinke, meer ouch euver zinge en springe en euver `ne late.

`t Leed is te loestere op spotify, mer doe mos zeker ouch de clip gezeen höbbe, want dae is erg lollig inein gezat. En drie kieër raoje waem op 2/3 vanne clip `ns kump aankakke?

Dieke lul, 4 beer!

Ouch La Bamba haet de aafgeloupe waek `n nuuj leed oetgebrach. Ónger de titel ''Dieke lul, 3 beer!'' bringe zie `ne cover oppe meziek vanne klassieker ''Shame and Scandal'', ouch zón melodie waat al tig kieër is gecoverd. ''Dieke lul, 3 beer'' is veur väöl luuj `ne krachterm waat zoeaget beteikent wie ''Doe kóns mich de poekel op en aaf roetsje''. Deze Moferse teks, gesjreve door Ron van Seef geit volges platemaotsjappie Marlstone euver ''genete van `t moment'', mer dan in `n kroegsituatie. Es veer uch noe nanneet nuujsjieërig höbbe gemaak, dan weite veer `t onnimmieë. Loester zelf mer op Spotify.