Bórgemeister De Boer-Beerta is véúr de grenscontroles

Weite veer det ouch weer.

Ik wil een veiliger Nederland zonder illegale migranten, mensensmokkelaars en criminelen. De grenscontroles die de @Marechaussee vanaf vandaag uitvoert, is één van de maatregelen die daar een belangrijke bijdrage aan levert. pic.twitter.com/svKTfBZYJw

— Marjolein Faber (@MinisterAenM) December 9, 2024

Vandaag waas de groeaten daag veur Marjolein Faber. Eindelik kós zie mit stols `t startsein gaeve veur `t stekpaerdje van de PVV: grenscontroles. Eigelik waas `t de sjoeansten daag van `t jaor veur de Minster van Asiel en Migratie, op daen einen daag nao dan, det de kapper op `t ministerie kwoom. In Eisde keek zie toe wie de Marechaussee vakkundig de verdachte auto's droetprofileerde. Einen daore in `t oug van sommige bórgemeisters van sommige Nederlandse en Belzje grensgemèndjes.

Vanoet de gemèndje Roerdale klink `n anger geluid. In `ne tweet van Faber's ministerie moog Monique shine in `t grenscontroles-promotiefilmke. De bórgemeister is véúr de grenscontroles. Volges De Boer-Beerta veule wie langer wie mieë inwoners van Roerdale zich onveilig vanwaege de toenaemende criminaliteit. De grenscontroles kónne `t veiligheidsgeveul vergruuete. Want dao geit `t zich óm: `t geveul. De ervaring. Mer good ouch, want mit die 50 man bie-eingesjraaptj personeel is de grenseuvergank Rothenbach waarsjienlik örges mei volgend jaor ane beurt. En Postert kan blie zeen es häöre grenseuvergank mit Kerke in 2026 wuuertj bewaak. Bie Loetje staon ze waarsjienlik allein mer es vakantiebal is. Of haet oos Monique in ruul veur deze werme aanbevaeling `nen dael mit Faber weite te sloete, es lèste waopefeit.