De Boer-Beerta geit stoppe mit aafhamere

Nao 12 jaor börgemeistersjap.

Vandaag, oppen ieësten daag van `t politiek jaor, maak Börgemeister De Boer-Beerta van Roerdale bekindj det zie volgend jaor de ambskitting ane wilge geit hange. Op 1 juli löp haore twieëdje ambstermien aaf en zie geit neet door veur `ne volgende termien. De VVD-bestuurster is dan 12 jaor börgemeister van Roerdale gewaes. Veur daen ties waas zie raodslid, wèthajer en locobörgemeister van de Gelderse gemèndje Buren.

Volges de bekindjmaking vanne gemèndje doert de procedure veur `t aanstèlle van `ne nuje börgemeister 8 toet 10 maondj. Door noe al aan te gaeve te gaon stoppe, zorg De Boer d'rveur det d'r geine waornaemendj börgemeister nuuedig is. Waornaemendje börgemeisters zeen döks net doeve: die spinge binne, sjiete de ganse kraom ónger en vlege weer weg. Det liek de gemèndje Roerdale noe bespaard te blieve.

Laevesfaas

De börgemeister verklaortj det zie veultj det `t tied wuuertj veur `n nuuj laevesfaas, gelèt op häöre laeftied (dees maondj 65 jaor). Waat det beteikentj blief vaag. Zie haet dan ouch nag gein planne, mer guuef waal aan det zie `n biedrage wiltj levere ane maotsjappie. Spoje hoof zie zich neet, want es `t nuuedig is kan De Boer-Beerta raekene op twieë jaor wachgeldj.

Dit is wie veer häör gaer herinnere

Mer de volgende kieër waal gaer emes waat `t versjil witj tösse Montfoort en Mofert.