Koeltoerkatern: Dwayne Verheyden geit Nederlandstalig

Dao is `t nanneet te laat veur.

Nao de Spaanse en Limburgse taal geit Dwayne vanne Miek `t noe ouch `ns probere in `t Nederlandstalig genre. Mit ziene gister regerelase singer ''Te Laat'' baort hae noe `n anger, of mesjiens waal `n breier publiek aan. De teks moog dan waal Nederlandstalig zeen, mer mit de meziek blief d'r waal degelik in ziene vertroewdje Letiens-Amerikaansen hook. `t Is `n bewèrking van ''Salir Con Vida'' van de Colombiaanse band Morat en de net zoea Colombiaanse zenger Feid. De nómmer is aafgemix door Unimusik en die zitten in ziene zweite Heimat Monterrey. Nederlands mit `n Mexicaans tintje dus. De teks van deze latino-smartlap haet Verheyden zelf gesjreve.

Videoclip

De videoclip dae sins vandaag op YouTube steit is `ne lyrics video en besteit dus veurnamlik oet `n geposeerde foto mit de leedtekste d'rnaeve. `t Intrumentaal tössespel wuuertj aevel opgevöldj door `n zwart-wit scene mit Dwayne en `n Latina dame. In `t verhaol natuurlik `ne flashback, mer in `t ech is det zien eige vrouw Xitlaly.