Moferse Zwarte Piete gecancelled door big tech
...mer neet door Mofert.nl
![](https://www.mofert.nl/img/artikels/101-0.jpg)
Zoeawie bekindj waeren op Facebook alle Piete gecancelled waat neet döks genóg dore sjouw op en aaf höbbe gesjraveld. Det kump of doordet me-n in Silicon Valley gein óngersjied kan make tösse blackface en Zwarte Piet of doordet me dao überwoke is. Gelökking steit vrieheid van expressie hoeag inne Mofert.nl-vaan haet de redactie nieks op mit pólletieke krekdje.
Daoróm höbbe veer kóntak gezoch mit `t buusjoppelik pelies en haet Sinterklaos ós hoeagspersuuenlik `n aantal foto's doorgesjik óm op Mofert.nl te zètte. Bie deze.