Mofert.nl

Maondig 23 oktoeaber 2017

Euver Mofert.nl

Mofert.nl is begós es `n links-verzameling van richtige Moferter sites. Langzamerhandj zeen d´r mieër òngerdeile biegekómme. Allewiel staon op Mofert.nl diek 100 Moferter sites en `n aantal feeds. Mofert.nl geuf daomit `t meis complete euverzich van digitaal Mofert. Behalve de links is `t nuuts oetgegruid toet de twieëdje belangrieke informatiebron op Mofert.nl. Same mitten agenda vormt dit `n good euverzich van waat zich in Mofert aafspeelt. De waersveurspelling van Ben Effing maak Mofert.nl es startpagina veur Mofert compleet. Wiejer is d'r op Mofert.nl nag `ne plattegróndj van Mofert te vinje.

 

De links

Es links kòmme in aanmèrking:

  • Internetsites en feeds van rechspersoeane (ouch einmanszake, vof's enzoea) waat in Mofert gezeteld zeen en ouch es zoeadanig ingesjreve staon bie `n Kamer van Kouphanjel. Ouch bedrieve, wovan ein of mieër vanne hoeagste concernrelaties in Mofert gezeteld zeen, kómme in aanmèrking.

  • Internetsites en feeds van netuurlikke persoeane waat Mofert es vaste verbliefplaats höbbe.

  • Internetsites en feeds van clubs, groepe, vereiniginge, enz., wovan `t grotste deil van de leje Mofert es vaste verbliefplaats haet.

  • Internetsites en feeds die specifiek euver Mofert of euver `n bepaolde zaak in Mofert gaon.

  • Internetsites en feeds die in `t algemein betrèkking höbbe oppe Gemèndje Roerdale, beveurbeeldj internetsites van Roerdaler politieke partieje.

 

Nuuts

`t Mofert.nl nuuts wuuertj gans door Mofert.nl zelf gemaak en is gans in `t Mofers gesjreve. D'r is ouch `ne feed, wo alle nuje nuutsberichte van Mofert.nl op staon. Alle aje nuutsberichte zeen bie "aad nuuts" truuk te vinje.

 

`t Waer

`t Waer op dees site wuuert meugelik gemaak door Meteo Roerstreek en Het weer actueel. `t Actuele waer is ouch es gadget veur oppe Google startpagina besjikbaar.


De aganda

Es activiteite oppen agenda kómme in aanmèrking activiteite wo in pricipe ederein aan mit kan doon. Det wiltj zègke:

  • Gein (jaor)vergaderinge van vereiniginge, coöperaties, enz.

  • Waal activiteite woveur me entree mot betale en/of `n (toegangs)kaart mot höbbe.

  • Waal activiteite woveur `ne laeftiedgrens weurd gehanteerd.

Ouch vannen agenda is d'r `ne feed besjikbaar.

 

Plattegróndj

De plattegróndj op Mofert.nl wuuert meugelik gemaak door Google maps. De plattegróndj is ouch es gadget veur op dien Google startpagina besjikbaar.

 

Boetedörps

Alle sites, die neet in aanmèrking kómme veur `ne Mofert.nl-link, mer wo waal Mofert.nl es link op vermeldj steit, höbbe rech op `n vermeljing bie de boetedörpse links. Feeds, die bie ein van dees sites huuere, kónne ouch vermeldj waere.

 

Taal en spelling

De taal waat geer op dees site laes, is Mofers. Mofers is `n Limburgs dialek, waat uiteraard gespraoken en gesjreve wuuertj in Mofert. Veur de spelling wuuertj de Spelling 2003 veur de Limburgse dialekte. Dao wo dees spelling neet in verzuut, wuuertj de Nederlandse spelling gebroek en dan waal De witte spelling.

De Witte Spelling

 

Techniek

Mofert.nl is gans gesjreve in XHTML 1.0, mit behulp van Style Sheets gesjreve in correcte CSS 2.0. Wiejer is d'r nag gebroek gemaak van Javascript. De links, de nuutsberichte en d'n agenda staon in `ne MySQL database en waere door middel van PHP weergegaeve. De Mofert.nl feeds zeen gesjreve in RSS 1.0 en is geljige RDF. De gadgets zeen speciaal gemaak veur de gepersonaliseerde startpagina van Google.

Valid XHTML 1.0 Transitional Valide CSS! [Valid RSS]

Mits neet anges vermeldj, valle alle tekste op dees pagina ónger `n Creative Commons Licentie.

Reklaam